contact
E-Mail
support@zap.gr.ch
telefon
081 257 61 70
L'annunzia als examens succeda be electronicamain via internet. L'annunzia electronica succeda entaifer ina tscherta fanestra da temp. Annunzias retardadas na pon betg vegnir resquardadas.
Annunzias or da l'emprima classa secundara sco era or da l'emprima classa da la scola reala n'èn betg pussaivlas.
Ils secretariats a las scolas medias ed il secretariat d'examens d'admissiun (081 257 61 70) prestan en cas da basegn support tar l'annunzia electronica.
Cun s'annunziar als examens èsi da pajar ina taxa d'examen da 100.– francs. Per pajar la taxa d'examen retschavis Vus per posta dal schaner 2025 in cedel da pajament. Succeda ina retratga suenter la scadenza dal termin d'annunzia, sto la taxa d'examen da 100.- francs vegnir pajada malgrà la retratga.
Ulteriuras infurmaziuns (proceder d'admissiun ed exempels d'examens dals davos quatter onns) sin la pagina d'internet da l'Uffizi per furmaziun media-superiura (www.ahb.gr.ch).
Annunzia en trais pass
Registraziun
- Per s'annunziar stuais Vus sa ristrar cun ina adressa dad e-mail valaivla e cun in pled-clav.
- Suenter avair endatà Vossa adressa dad e-mail ed in pled-clav survegnis Vus tramess in code che Vus stuais scriver en sin la proxima pagina per finir la registraziun.
- Suenter la registraziun pudais Vus s'annunziar tontas giadas sco Vus vulais cun Vossa adressa dad e-mail ed il pled-clav entaifer il temp d'annunzia fin a l’annunzia definitiva e modifitgar Vossa annunzia.
Endatar l'annunzia electronicamain
- indicaziuns tar l'uffant
- indicaziuns tar ils geniturs
- lieu e lingua d'examen
- tscherna da la scola
- furmaziun preliminara
- particularitads
- conferma da l'annunzia
Inoltrar documents
- copia da l'attesta (copia da l'attestat da l'emprim semester 2024/2025)
- copia da la carta d'identitad ni dal pass
Ils documents ston vegnir inoltrads fin il pli tard 3 favrer 2025 tar l'Uffizi per la furmaziun media-superiura, secretariat d'examens d'admissiun, Grabenstrasse 1, 7001 Cuira, u electronicamain a support@zap.gr.ch.
I na vegn betg tramess retschavidas (era betg sin dumonda). En cas dad irregularitads vegn l'Uffizi
per la furmaziun media-superiura a prender si contact cun Vus per telefon.
Sche las copias vegnan inoltradas electronicamain, na duvrain nus quellas betg supplementarmain
en format da palpiri per posta.